Lóðrétt samráð SORPU bs., Metans hf., N1 hf. og Orkuveitu Reykjavíkur um ákvörðun smásöluverðs á metangasi.

• Sækja skjal
• Málsnúmer: 33/2012
• Dagsetning: 14/12/2012
• Fyrirtæki:
  • Orkuveita Reykjavíkur
  • Sorpa bs.
  • N1 hf.
  • Metan hf.
• Atvinnuvegir:
  • Neysluvörur, rekstrarvörur o.fl.
  • Olíuvörur og gas
• Málefni:
  • Ólögmætt samráð
• Reifun

  Samkeppniseftirlitið hefur haft til skoðunar ólögmætt samráð SORPU bs., Metans hf., N1 hf. og Orkuveitu Reykjavíkur um ákvörðun smásöluverðs á metangasi á útsölustöðvum N1 hf., áður Olíufélagsins hf. Hafði N1 hf. frumkvæði að því að upplýsa Samkeppniseftirlitið um tilvist samningsins og óskaði eftir niðurfellingu á mögulegum sektum á grundvelli reglna Samkeppniseftirlitsins nr. 890/2005 um atvik sem leiða til niðurfellingar sekta eða ákvarðana um að lækka sektir í málum er varða ólögmætt samráð fyrirtækja. Snéru hin fyrirtækin sér síðan til eftirlitsins og luku málinu með sátt við Samkeppniseftirlitið. N1 hf. uppfyllti skilyrði reglnanna og fékk sekt sína í málinu fellda niður. Hin félögin luku málinu með sátt gagnvart Samkeppniseftirlitinu þar sem þau féllust á að greiða stjórnvaldssektir að samanlagðri fjárhæð 9 milljón kr. og sæta skilyrðum í því skyni að örva samkeppni á mörkuðum tengdri sölu á metangasi.