Samruni Eikar fasteignafélags hf. og SMI hf.

• Sækja skjal
• Málsnúmer: 32/2013
• Dagsetning: 18/12/2013
• Fyrirtæki:
  • Eik fasteignafélag hf.
  • SMI hf.
• Atvinnuvegir:
  • Sérfræðiþjónusta og önnur þjónusta
  • Fasteignasala
• Málefni:
  • Samrunamál
• Reifun

  Með bréfi dags. 3. september 2013 var Samkeppniseftirlitinu tilkynnt um kaup Eikar fasteignafélags hf. (hér eftir „Eik“) á meginhluta fasteigna í eigu SMI ehf. (hér eftir „SMI“). Bæði þessi félög eiga og reka fasteignir til útleigu til fyrirtækja. Samkvæmt 17. gr. samkeppnislaga telst samruni hafa átt sér stað þegar breyting verður á yfirráðum til frambúðar, þ.m.t. þegar tiltekið fyrirtæki nær yfirráðum að hluta yfir öðru fyrirtæki með því að kaupa eignir þess, sbr. c-lið 1. mgr. Samkeppniseftirlitið telur að kaup Eikar á tilgreindum fasteignum SMI teljist samruni í skilningi 17. gr. samkeppnislaga. Samkeppniseftirlitið hefur ákveðið að heimila samrunann án íhlutunar.