Samruni Straums fjárfestingarbanka hf. og Íslenskra verðbréfa hf.

• Sækja skjal
• Málsnúmer: 3/2015
• Dagsetning: 3/2/2015
• Fyrirtæki:
  • Straumur Burðarás fjárfestingarbanki
  • Íslensk verðbréf hf.
• Atvinnuvegir:
  • Fjármálaþjónusta
  • Fjárfestingabankastarfsemi
• Málefni:
  • Samrunamál
• Reifun

  Þann 30. desember 2014 barst Samkeppniseftirlitinu samrunaskrá vegna kaupa Straums fjárfestingarbanka hf. á meirihluta hlutafjár í Íslenskum verðbréfum hf. Þjónusta Straums felst í markaðsviðskiptum og fyrirtækjaráðgjöf en samhliða því hóf bankinn nýverið uppbyggingu eignastýringarþjónustu. Íslensk verðbréf hf. er sérhæft fyrirtæki á sviði markaðsviðskipta og eignastýringar.
  
  Að undangenginni rannsókn Samkeppniseftirlitsins er það niðurstaða eftirlitsins að ekki séu vísbendingar um að samrunaaðilar komi til með að ná markaðsráðandi stöðu á nokkrum undirmarkaði eignastýringarmarkaðar. Fjárhagslegur styrkleiki og markaðshlutdeild stóru viðskiptabankanna þriggja á sviði eignastýringar er verulegur og kann umræddur samruni því að leiða til jákvæðra áhrifa á samkeppni með því að bönkunum þremur verði veitt virkari samkeppni. Samkeppniseftirlitið telur því ekki vera ástæðu til að aðhafast vegna þessa samruna.