Samruni Icepharma hf. og Yggdrasils ehf.

• Sækja skjal
• Málsnúmer: 6/2016
• Dagsetning: 19/2/2016
• Fyrirtæki:
  • Yggdrasil ehf.
  • Icepharma hf.
• Atvinnuvegir:
  • Neysluvörur, rekstrarvörur o.fl.
  • Matvörur
• Málefni:
  • Samrunamál
• Reifun

  Samkeppniseftirlitið hefur haft til umfjöllunar samruna Icepharma hf. og Yggdrasils ehf. Icepharma er sölu- og markaðsfyrirtæki sem selur lyf, hjúkrunarvörur, lækningatæki, heilsutengdar neytendavörur og íþróttavörur. Yggdrasill starfar sem heildsala og sérhæfir sig í að flytja inn, dreifa og kynna lífrænar vörur, þ.e. matvörur, heilsuvörur (fæðubótaefni) og sérvörur (lífrænar snyrtivörur).

  Um er að ræða láréttan samruna þar sem Icepharma kaupir allt hlutafé í Yggdrasil. Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni á mörkuðum málsins og leiði ekki til myndunar eða styrkingar á markaðsráðandi stöðu. Þá leiðir samruninn ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c samkeppnislaga nr. 44/2005.