Kaup Síldarvinnslunnar hf. á hlutum í Runólfi Hallfreðssyni ehf.

• Sækja skjal
• Málsnúmer: 25/2016
• Dagsetning: 20/9/2016
• Fyrirtæki:
  • Síldarvinnslan hf.
  • Runólfur Hallfreðsson ehf.
• Atvinnuvegir:
  • Neysluvörur, rekstrarvörur o.fl.
• Málefni:
  • Samrunamál
• Reifun

  Samkeppniseftirlitið hefur haft til skoðunar kaup Síldarvinnslunnar hf. (hér eftir Síldarvinnslan) á 37,2% hlut í Runólfi Hallfreðssyni ehf. (hér eftir RH) sem barst með svonefndri styttri samrunatilkynningu sbr. 6. mgr. 17. gr. a samkeppnislaga nr. 44/2005, með síðari breytingum, og reglur nr. 684/2008, um tilkynningu og málsmeðferð í samrunamálum þann 19. ágúst 2016. Síldarvinnslan er útgerðarfélag sem hefur unnið að uppbyggingu fiskveiða á hafsvæðinu í kringum Ísland ásamt því að reka fiskvinnslu. RH er útgerðarfyrirtæki þar sem megináhersla hefur verið lögð á uppsjávarveiðar.  Samkeppniseftirlitið telur að ekki sé ástæða til að aðhafast vegna þessa samruna á grundvelli 17. gr. samkeppnislaga.