Samruni Johan Rönning hf. og Vatns og veitna ehf.

• Sækja skjal
• Málsnúmer: 16/2017
• Dagsetning: 8/5/2017
• Fyrirtæki:
  • Jóhann Rönning hf.
  • Vatn og veitur ehf.
• Atvinnuvegir:
  • Neysluvörur, rekstrarvörur o.fl.
  • Bygginga- og heimilisvörur (heimilistæki, föt, snyrtivörur)
• Málefni:
  • Samrunamál
• Reifun

  Samkeppniseftirlitið hefur haft til umfjöllunar samruna Johan Rönning hf. og Vatns og veitna ehf. Johan Rönning starfar á ýmsum undirmörkuðum hins alhliða byggingavörumarkaðar. Ber þar helst að nefna innflutning og dreifingu á raflagnaefni, rafvörum og skyldum vörum. Þá starfar Johan Rönning einnig við innflutning á efni til miðstöðvar- og neysluvatnslagna. Fyrirtækið Vatn og veitur sérhæfir sig í innflutningi á efni til miðstöðvar- og neysluvatnslagna og vatnsveituefni.  

  Um er að ræða láréttan samruna þar sem Johan Rönning kaupir allt hlutafé í Vatni og veitum.  Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni á mörkuðum málsins og leiði ekki til myndunar eða styrkingar á markaðsráðandi stöðu. Þá leiðir samruninn ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c samkeppnislaga nr. 44/2005.