Samruni Ölgerðarinnar Egils Skallagrímssonar hf. á Kolefni ehf.

• Sækja skjal
• Málsnúmer: 21/2017
• Dagsetning: 23/10/2017
• Fyrirtæki:
  • Ölgerð Egils Skallagrímssonar ehf.
  • Kolefni ehf.
• Atvinnuvegir:
  • Neysluvörur, rekstrarvörur o.fl.
  • Matvörur
• Málefni:
  • Samrunamál
• Reifun

  Samkeppniseftirlitið hefur haft til umfjöllunar samruna Ölgerðarinnar Egils Skallagrímssonar hf. á Kolefni ehf. Ölgerðin er aldargamalt fyrirtæki sem framleiðir, flytur inn, dreifir og selur ýmis konar mat- og drykkjarvörur á heildsölustigi. Kolefni er eignarhaldsfélag sem hefur þann eina tilgang að eiga fasteign að Grjóthálsi 7-11 í Reykjavík. Þessi fasteign hýsir höfuðstöðvar Ölgerðarinnar. Frá byggingu fasteignarinnar hefur Ölgerðin leigt fasteignina af félaginu og verður því í reynd engin breyting á starfsemi Ölgerðarinnar við þessi viðskipti.

  Að undangenginni rannsókn er það því niðurstaða eftirlitsins að ekki sé ástæða til að aðhafast vegna þessa samruna á grundvelli 17. gr. samkeppnislaga nr. 44/2005 þar sem að markaðsráðandi staða er ekki að verða til né slík staða að styrkjast. Þá er samkeppni heldur ekki að raskast með neinum hætti hér.