Kaup Malbikunarstöðvarinnar Hlaðbæjar-Colas hf. á öllum hlutum í Norðurbiki ehf.

• Sækja skjal
• Málsnúmer: 19/2019
• Dagsetning: 11/6/2019
• Fyrirtæki:
  • Malbikunarstöðin Hlaðbær-Colas hf
  • Norðurbik ehf.
• Atvinnuvegir:
  • Iðnaðarframleiðsla, ekki tilgreind annars staðar
  • Neysluvörur, rekstrarvörur o.fl.
• Málefni:
  • Samrunamál
• Reifun

  Samkeppniseftirlitið hefur haft til umfjöllunar kaup Malbikunarstöðvarinnar Hlaðbæjar-Colas hf. á Norðurbiki ehf. Malbikunarstöðin Hlaðbær-Colas er íslenskt hlutafélag og meginstarfsemi þess felst í framleiðslu og sölu á malbiki, auk þess sem félagið starfar við margs konar malbikunarþjónustu. Norðurbik er íslenskt einkahlutafélag sem framleiðir og selur malbik. Markmið samrunans er að Malbikunarstöðin Hlaðbær-Colas verði samkeppnishæfur aðili á Norðurlandi og að mati félagsins er þar um áhugaverða fjárfestingu að ræða. Þá felist í kaupunum einnig möguleikar á að auka veltu félagsins.

  Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni og leiði ekki til myndunar á markaðsráðandi stöðu. Þá leiðir hann ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c. samkeppnislaga nr. 44/2005.