Undanþágubeiðni Hreyfils svf. um áframhaldandi útgáfu hámarks ökutaxta

• Sækja skjal
• Málsnúmer: 16/2020
• Dagsetning: 31/3/2020
• Fyrirtæki:
  • Hreyfill svf.
• Atvinnuvegir:
  • Samgöngur og ferðamál
  • Leigubílaþjónusta
• Málefni:
  • Undanþágur
• Reifun

  Samkeppniseftirlitið hefur haft til umfjöllunar beiðni Hreyfils svf. um áframhaldandi undanþágu um útgáfu hámarks ökutaxta. Með heimild í 15. gr. samkeppnislaga nr. 44/2005 hefur núgildandi undanþága, sem veitt var með ákvörðun Samkeppniseftirlitsins nr. 11/2019, verið framlengd til 1. apríl 2021. Var heimildin veitt með ákveðnum skilyrðum, á meðan Alþingi er með frumvarp til breytinga á lögum um leigubifreiðar til meðferðar. Verður ákvörðun þessi tekin til endurskoðunar ef til þess kemur að breytingar verða á fyrrgreindum lögum fyrir 1. apríl 2021, þ.e. áður en undanþága þessi rennur út.