Kaup Rotovia hf. á öllum hlutum í RPC Promens International BV

• Sækja skjal
• Málsnúmer: 12/2022
• Dagsetning: 1/6/2022
• Fyrirtæki:
  • Rotovia hf.
  • RPC Promens International BV
• Atvinnuvegir:
  • Neysluvörur, rekstrarvörur o.fl.
  • Ýmsar rekstrarvörur sem ekki eru tilgreindar annars staðar
• Málefni:
  • Samrunamál
• Reifun

  Samkeppniseftirlitið hefur haft til umfjöllunar kaup Rotovia hf. á öllum hlutum í RPC Promens International BV, sem er móðurfélag Sæplasts Iceland ehf. og Tempru ehf. Sæplast hannar og framleiðir tvöfalt einangruð ker og þreföld sérstyrkt PE ker og bretti sem notuð eru í matvælaframleiðslu og í endurvinnsluiðnaði. Þá framleiðir Sæplast jafnframt byggingartengdar plastvörur, líkt og brunna, tanka, rotþrær og skiljur. Tempra framleiðir umbúðir fyrir ferskfiskútflutning og einangrun fyrir byggingariðnað úr EPS, þ.e. frauðplast. Ásamt því að framleiða húsaeingangrun og umbúðir býður Tempra upp á ýmsa fylgihluti til flutnings ferskra afurða sem og einangrunar. Rotovia var stofnað í tengslum við samrunann til að halda utan um sameiginlega fjárfestingu Freyju og SÍA IV í Promens.

  Rannsókn Samkeppniseftirlitsins leiddi í ljós að engin samþjöppun á sér stað á skilgreindum mörkuðum málsins í kjölfar samrunans. Samrunanum voru þó sett skilyrði til að sporna gegn skaðlegum hagsmunatengslum eða öðrum samkeppnishindrunum sem stafað geta af eignarhaldi SÍA IV og Freyju á Rotovia og beinu og óbeinu eignarhaldi eigenda SÍA IV og Freyju á öðrum atvinnufyrirtækjum. Er það niðurstaða eftirlitsins að umrædd skilyrði leysi þá samkeppnisbresti sem ella hefðu stafað af samrunanum.