Kaup Senu ehf. og Draupnis fjárfestingafélags ehf. á Concept Events ehf.

• Sækja skjal
• Málsnúmer: 9/2023
• Dagsetning: 20/3/2023
• Fyrirtæki:
  • Sena ehf.
  • Draupnir fjárfestingarfélag ehf.
  • Concept Events ehf.
• Atvinnuvegir:
  • Sérfræðiþjónusta og önnur þjónusta
• Málefni:
  • Samrunamál
• Reifun

  Með ákvörðuninni var tekin afstaða að heimila kaup Senu ehf. og Draupnis fjárfestingafélags ehf. á Concept Events ehf. en kaupin fólu í sér samruna í skilningi samkeppnislaga.

  Að sögn samrunaaðila felist starfsemi Concept Events í því að selja fyrirtækjum og starfsmönnum fyrirtækja þjónustu tengda ráðstefnum, hvataferðum og viðburðahaldi. Af samrunaskrá má ráða að þær helstu meginstoðir í starfsemi Senu og þjónustutegundir sem samruninn varði sé skipulagning viðburða, hvataferða og ráðstefnuhald. Þá byggðu samrunaaðilar á því að markaður málsins væri opinn og litlar sem engar aðgangshindranir inn á markaðinn. Auðvelt sé að hefja starfsemi á markaðnum með litlum tilkostnaði og starfsemi þurfi ekki mikinn mannafla.

  Það var niðurstaða Samkeppniseftirlitsins að ekki sé þörf eða forsendur til þess að íhlutast vegna samrunans.