Kaup Landsprents ehf. á prentvél o.fl. úr þrotabúi Torgs ehf

• Sækja skjal
• Málsnúmer: 10/2024
• Dagsetning: 24/5/2024
• Fyrirtæki:
  • Landsprent ehf.
  • Þrotabú Torgs ehf.
• Atvinnuvegir:
  • Fjarskipti, upplýsingatækni og fjölmiðlun
  • Prentmiðlar
• Málefni:
  • Samrunamál
• Reifun

  Samkeppniseftirlitið tók afstöðu til kaupa Landsprents á prentvél o.fl úr þrotabúi Torgs ehf. Með kaupsamningi keypti Landsprent prentvél o.fl. úr þrotabúi Torgs. Með kaupunum myndast einokunarstaða á markaði fyrir prentun á dagblöðum hérlendis þar sem Landsprent hefur 100% markaðsstyrk og býr nú yfir einu dagblaðaprentvél landsins. Undir venjulegum kringumstæðum myndi slíkur samruni eða viðskipti krefjast íhlutunar af hálfu Samkeppniseftirlitsins. Hins vegar byggðu samrunaaðilar á því að skilyrði að um fyrirtæki á fallandi fæti sé uppfyllt í þessu máli.

  Samkeppniseftirlitið fór yfir skilyrðin um fyrirtæki á fallandi fæti og komast að þeirri niðurstöðu að sýnt hafi verið fram á að sjónarmið um fyrirtæki á fallandi fæti eigi við um kaupin. Vegna þess telur Samkeppniseftirlitið ekki forsendur til þess að aðhafast frekar vegna samrunans.