Krafa Félags íslenskra stórkaupmanna um fjárhagslegan aðskilnað hjá Bóksölu stúdenta á milli annars vegar sölu á almennum markaði og hins vegar sölu til námsmanna

• Sækja skjal
• Málsnúmer: 49/2008
• Dagsetning: 17/9/2008
• Fyrirtæki:
  • Félagsstofnun stúdenta
  • Félag íslenskra stórkaupmanna
• Atvinnuvegir:
  • Neysluvörur, rekstrarvörur o.fl.
  • Bókaútgáfa og sala
• Málefni:
  • Samkeppni og hið opinbera
• Reifun

  Félag íslenskra stórkaupmanna – FÍS krafðist fjárhagslegs aðskilnaðar hjá Bóksölu stúdenta milli annars vegar sölu á almennum markaði og hins vegar sölu til námsmanna.  Samkeppniseftirlitið telur ekki lagaskilyrði til íhlutunar í málinu og ekki ástæður til frekari afskipta stofnunarinnar af því. Þrátt fyrir að Bóksala stúdenta sé talin njóta opinberrar verndar í skilningi 14. gr. samkeppnislaga eru ekki talin lagaskilyrði til að beita fjárhagslegum aðskilnaði þar sem á grundvelli gildandi lagaákvæða um Félagsstofnun stúdenta og þar með Bóksölu stúdenta, telur Samkeppniseftirlitið ekki unnt að greina á milli annars vegar þjónustu við háskólana, þ.e. nemendur og kennara, og hins vegar þjónustu við almenna borgara. Sama á við um aðskilnað milli einstakra vörutegunda sem boðnar eru til sölu. Ennfremur þykir ekki ástæða til að beita 16. gr. samkeppnislaga þar sem lög nr. 33/1968 um Félagsstofnun  stúdenta við Háskóla Íslands eru sérlög gagnvart samkeppnislögum og því ekki lagagrundvöllur fyrir beitingu b-liðar 16. gr. samkeppnislaga.