Samruni Reynimels ehf., og Kynnisferða ehf.

• Sækja skjal
• Málsnúmer: 51/2007
• Dagsetning: 18/9/2007
• Fyrirtæki:
  • Reynimelur ehf.
  • Kynnisferðir hf.
• Atvinnuvegir:
  • Samgöngur og ferðamál
  • Ferðaþjónusta
• Málefni:
  • Samrunamál
• Reifun Í lok marsmánaðar sl. keypti eignarhaldsfélagið Reynimelur ehf. fyrirtækið Kynnisferðir ehf. af FL Group hf. Reynimelur er félag sem stofnað var vegna þessara kaupa á Kynnisferðum m.a. af hópferðafyrirtækjunum SBA-Norðurleið ehf. og Hagvögnum/Hópbílum hf. Kaupin voru tilkynnt til Samkeppniseftirlitsins í maímánuði sem samruni. Kynnisferðir, SBA-Norðurleið og Hagvagnar/Hópbílar hafa um margra ára skeið verið umfangsmikil í fólksflutningum hér á landi, s.s. á sviði hópferða og sk. dagsferða. Auk þess hafa Kynnisferðir verið lang umsvifamesta fyrirtæki landsins í sérleyfisakstri, t.d. á leiðinni milli Reykjavíkur og Leifsstöðvar. Þá stunda félögin akstur fyrir sveitarfélög á strætisvagnaleiðum. Það er mat Samkeppniseftirlitsins að hefði samruninn verið látinn óátalinn hefði orðið til markaðsráðandi staða á þeim markaði sem þessi fyrirtæki starfa á, en samanlögð markaðshlutdeild þeirra er tæplega 60%. Til samanburðar nemur hlutdeild annarra einstakra keppinauta mest 5-10% af markaðnum. Að mati Samkeppniseftirlitsins hindrar samruninn virka samkeppni á umræddum markaði fyrir fólksflutninga og vinnur því gegn markmiði samkeppnislaga. Af þeim sökum hefur Samkeppniseftirlitið ógilt samruna félaganna með vísan til heimildar í 17. gr. samkeppnislaga.