Erindi er varðar samkeppnislega mismunun í útboði á skólaakstri

• Sækja skjal
• Málsnúmer: 14/1998
• Dagsetning: 25/11/1998
• Fyrirtæki:
  • Guðmundur Tyrfingsson ehf.
• Atvinnuvegir:
  • Samgöngur og ferðamál
• Málefni:
  • Samkeppni og hið opinbera
• Reifun

  Erindi barst frá hópferðaleyfishafa sem taldi sig ekki sitja við sama borð og sérleyfishafar hvað varðaði endurgreiðslu á þungaskatti vegna skólaaksturs. Það var álit samkeppnisráðs að ákvæði í útboðsskilmálum um skólaakstur sem kváðu á um að flytja mætti aðra farþega en þá sem njóta ættu hins niðurgreidda skólaaksturs yllu því að ekki stæðu allir jafnir við gerð tilboða í skólaakstur. Í því máli sem sem var tilefni álitsins var um að ræða skólaakstur á leiðum sem tilteknir sérleyfishafar voru með sérleyfi á.

  Til að taka af allan vafa um jafna stöðu þeirra sem byðu í skólaakstur beindi samkeppnisráð þeim tilmælum til Ríkiskaupa að þau skilyrði yrðu sett í útboðslýsingu fyrir skólaakstur að ekki yrðu aðrir farþegar í för í þeim ferðum sem féllu undir skólaaksturinn en þeir sem útboðið tilgreindi.