Dagur Group hf. gegn Samkeppniseftirlitinu

• Sækja skjal
• Málsnúmer: 4/2006
• Dagsetning: 22/9/2006
• Fyrirtæki:
  • Samkeppniseftirlitið
  • Dagur Group hf.
• Atvinnuvegir:
  • Neysluvörur, rekstrarvörur o.fl.
  • Afþreyingarvörur (hljóm- og mynddiskar)
• Málefni:

  Engin málefni finnast

• Reifun

  Áfrýjunarnefnd samkeppnismála staðfesti ákvörðun Samkeppniseftirlitsins nr. 20/2006 þar sem Samkeppniseftirlitið komst að þeirri niðurstöðu að Skífan (nú Dagur Group) hefði misnotað markaðsráðandi stöðu sína og brotið þannig gegn bannákvæðum samkeppnislaga. Skífan ítrekaði fyrri brot sín á samkeppnislögum með gerð ólögmætra samninga við Hagkaup sem fólu í sér ákvæði um einkakaup og samkeppnishamlandi afslætti. Í úrskurði áfrýjunarnefndar kom fram að nefndin telji brot Skífunnar bæði augljós og alvarleg og að fyrirsvarsmönnum fyrirtækisins hafi mátt vera ljóst að umræddir samningar færu gegn samkeppnislögum sbr. fyrri ákvörðun samkeppnisráðs frá 2001. Var staðfest sú niðurstaða Samkeppniseftirlitsins að Skífunni bæri að greiða 65 milljónir króna í stjórnvaldssekt.