Virk samkeppni - hagur almennings. Samkeppniseftirlitið gefur út kynningarrit

• Sækja skjal
• Málsnúmer: 2/2006
• Dagsetning: 31/10/2006
• Fyrirtæki:

  Engin fyrirtæki finnast

• Atvinnuvegir:

  Enginn atvinnuvegur finnst

• Málefni:

  Engin málefni finnast

• Reifun

  Samkeppniseftirlitið gefur í dag út ritið Virk samkeppni – hagur almennings. Í því er að finna lýsingu á starfsemi Samkeppniseftirlitsins, skipulagi og áherslum. Með ritinu er ætlunin að kynna Samkeppniseftirlitið, nú þegar rúmlega ár er liðið frá stofnun þess. Jafnframt er í ritinu fjallað um ákvarðanir samkeppnisyfirvalda á árinu 2005.

  Samkeppni í litlu landi

  Í aðfararorðum Gylfa Magnússonar, formanns stjórnar Samkeppniseftirlitsins segir meðal annars: „Starf samkeppnisyfirvalda er alls staðar vandasamt en sennilega óvíða meira krefjandi en hérlendis. Á smáum og að ýmsu leyti einangruðum markaði eins og þeim íslenska verður fákeppni nánast reglan. Í slíku umhverfi skiptir miklu að starf samkeppnisyfirvalda sé árangursríkt.“

  Verk að vinna

  Í inngangi Páls Gunnars Pálssonar, forstjóra Samkeppniseftirlitsins kemur þetta fram: „Aukin samþjöppun og alvarleg dæmi um brot á samkeppnislögum, sem upplýst hafa verið á síðustu árum, benda til þess að nauðsynlegt sé að herða tökin í framkvæmd samkeppnislaga. Markmið okkar er að skapa þannig umhverfi í íslensku atvinnulífi að enginn geti áhyggjulaust tekið þátt í ólögmætu samráði eða misnotað markaðsráðandi stöðu sína. Jafnframt hyggjumst við fara í saumana á frekari samþjöppun á fákeppnismörkuðum.“