Rafræn mæling Capacent ehf. á notkun ljósvakamiðla

• Sækja skjal
• Málsnúmer: 13/2014
• Dagsetning: 19/5/2014
• Fyrirtæki:
  • Capacent ehf.
• Atvinnuvegir:
  • Fjarskipti, upplýsingatækni og fjölmiðlun
  • Ljósvakamiðlar
• Málefni:
  • Annað
• Reifun

  Í ákvörðun nr. 13/2014 er fjallað um rafræna mælingu Capacent ehf. á hlustun og áhorfi á ljósvakamiðla, þ.e. útvarps- og sjónvarpsútsendingar. Er það mat Samkeppniseftirlitsins að framkvæmd Capacent á mælingunni geti verið til þess fallin að takmarka samkeppni, einkum á markaði fyrir auglýsingar í ljósvakamiðlum. Hefur Capacent undirgengist sátt við Samkeppniseftirlitið vegna málsins. Með ákvörðuninni er framkvæmd mælingarinnar sett tiltekin skilyrði sem einkum er ætlað að auðvelda þátttöku nýrra og minni ljósvakamiðla og birtingaraðila í mælingunni. Þá er með skilyrðunum jafnframt leitast við að tryggja að framsetning gagna úr mælingunni veiti skekki ekki samkeppnisstöðu ljósvakamiðla og að trúnaðarupplýsingar berist ekki á milli keppinauta vegna framkvæmdarinnar við hana.