Kaup Ljósleiðarans ehf. á stofnneti Sýnar hf.

• Sækja skjal
• Málsnúmer: 37/2023
• Dagsetning: 29/9/2023
• Fyrirtæki:
  • Sýn hf.
  • Ljósleiðarinn ehf.
• Atvinnuvegir:
  • Fjarskipti, upplýsingatækni og fjölmiðlun
  • Fastanet (grunnnet og þjónusta)
• Málefni:
  • Samrunamál
• Reifun

  Með ákvörðuninni var tekin afstaða til kaupa Ljósleiðarans ehf. á stofnneti Sýnar hf. Fyrirtækin starfa á ýmsum mörkuðum fjarskiptaþjónustu. Ljósleiðarinn starfar á íslenskum heildsölumörkuðum fyrir fjarskiptaþjónustu og felst kjarnastarfsemi félagsins í rekstri ljósleiðaranets og sölu á vörum og þjónustum á ljósleiðaraneti félagsins til fjarskiptafélaga. 

  Sýn er með starfsemi á sviði fjarskiptaþjónustu og fjölmiðlaþjónustu. Sýn veitir alhliða fjarskiptaþjónustu og býður alla meginætti innan hennar, þm.t. talsíma, farsíma-, gagnaflutnings-, sjónavarps- og internetþjónustu. 

  Eftir rannsókn á samrunanum varð það mat Samkeppniseftirlitsins að ekki væri tilefni til íhlutunar vegna samrunans þar sem ekki væru vísbendingar um að markaðsráðandi staða væri að myndast eða að samruninn leiddi að öðru leyti til umtalsverðrar röskunar á samkeppni.