Rannsókn Samkeppniseftirlitsins á samruna Kaupfélags Skagfirðinga, Háa Kletts og Gleðipinna – óskað eftir sjónarmiðum
Samkeppniseftirlitið hefur til rannsóknar fyrirhuguð kaup Kaupfélags Skagfirðinga og Háa kletts ehf. á Gleðipinnum hf. Viðskiptin falla undir samrunareglur samkeppnislaga og er rannsóknin háð lögbundnum tímafrestum. Fullnægjandi samrunatilkynningar bárust þann 18. nóvember 2022. Afrit samrunatilkynninga án trúnaðarupplýsinga má finna neðst í þessari frétt.
Samrunarnir leiða til þess annars vegar að veitingastaðirnir Aktu Taktu, American Style, Hamborgarafabrikkan og Blackbox Pizza verða undir yfirráðum Kaupfélags Skagfirðinga og Háa Kletts og hins vegar aðKeiluhöllin, Rush Iceland trampólíngarður og Shake & Pizza verða undir yfirráðum bæði kaupenda og seljenda í viðkomandi viðskiptum.
Rannsókn Samkeppniseftirlitsins á samkeppnislegum áhrifum umræddra samruna beinist einkum að veitinga- og skyndibitamarkaði og markaði fyrir sölu og vinnslu á ferskum og unnum kjötafurðum. Kaupfélag Skagfirðinga er birgi fjölmargra veitingastaða og eldhúsa í gegnum eignarhald á Esju gæðafæði ehf., Sláturhúsi Hellu hf. og Sláturhúsi KVH ehf. Auk þess er skyndibitastaðurinn Metro í eigu Kaupfélags Skagfirðinga og Háa kletts.
Þeim sem þess óska er hér með boðið að koma á framfæri skriflegum sjónarmiðum sem geta skipt máli við rannsóknina.
Er óskað eftir að slík sjónarmið berist Samkeppniseftirlitinu fyrir föstudaginn 9. desember á netfangið samkeppni@samkeppni.is.
Fylgigögn: